11.09.20- அத்தியாயம்-94-சூது - தென்குமரிக் கவிதைக்களம்

வெள்ளி, 11 செப்டம்பர், 2020

11.09.20- அத்தியாயம்-94-சூது

 

11.09.20



<><><><><><><><><><><><><>

    " திருக்குறள் கவிதை "

     தினம் ஒரு அதிகாரம்

   பொருட்பால் -- நட்பியல்

             அதிகாரம்-- 94

                    " சூது "

                  ●●●●●

 <><><><><><><><><><><><><>


வெற்றி கிடைத்தாலும், விரும்பலாகாது சூதினை;

வெற்றியாய் இரையென்று,

விழுங்கிடும் தூண்டிலது;

வெற்றி பெறா

மீனாய்ச் சூதாகிடும்!

வெற்றி ஒன்றாய்,

நூறிழிக்கும் சூதாகுதே!


சூதாடி வாழ, 

வழியில்லை நல்லபடி!

சூதாடுவான் உருளையம் உருட்டினால், ஓயாது!

சூதாடி உருண்டோடி,

அடைந்திடும், பகைவரை!

சூதாட்டம் சிறுமை பலசெய்து சீரழிக்குமே!


சீரழித்து வறுமையும், தந்திடும் சூதாட்டம்;

சீரழிக்கும் சூதாட்டக்

கருவியும் இடமும்;

சீரழிக்கும் செயலதுவும்,

இல்லாதவர் ஆக்கிடும்!

சீரழிக்கும் சூதாட்டம்

வேதனைக்கு உள்ளாக்குமே!


உள்ளாக்கும் சூதென்னும்,

மூதேவி சூழ்ந்திடின்;

உள்ளாக்கும் துன்பத்தை,

உண்ணக்கூட வழியின்றி!

உள்ளாக்கும் சூதினில்,

காலமதைக் கழித்திட்டால்;

உள்ளதந்த செல்வமும்,

பண்பதுவும் கெட்டிடுமே!


கெடுத்திடும் சூது, பொருளினை அழிக்கும்!

கெடுத்திட்டு அழித்துப்,

பொய்யாட வைக்கும்;

கெடுத்துப் பலவகைத்,

துன்பமும் கொடுக்கும்!

கெடுக்கும் உடைசெல்வம்,

ஊணொளி கல்வியற்றே!


அற்றடாத பற்றாம், சூதினைக் கொண்டால்;

அற்றாது போகும், அனைத்தும் அழிந்து;

அற்றிடும் நோவால், பற்றிடும் உயிராசையாய்;

அற்றிடும் பொருளால், பற்றிடும் சூதாசையே!


கவிதை ஆக்கம்

மருத்துவகவிஞர்

பெ.தி.சுகுமார்.

கருத்துகள் இல்லை:

கருத்துரையிடுக

Pages