அருணா ரகுராமன்
ஆடி பிம்பம் போதா அருகில் வா மன்னவனே
******************
ஆடி வரும் பூங்கொடியாய் அன்பே /
ஆரணங்கு நான் இருக்க என்னைத் /
தேடி வருவாயென ஆவலுடன் காத்திருக்க /
ஒப்பனைகள் செய்து உன்னை நினைக்கையிலே /கற்பனையில் உன் முகம் ஏனோ
கண்ணாடியில் எதிரே தான் தெரிய /
உண்மையில் நீ வந்தாய் என்றே /
ஒரு கணத்தில் நினைத்துவிட்டேன்/
நானே நீயாக மாறிடும்
தருணந்தனில்
ஈருடல் ஓருயிராய் இங்கு தவித்தாலும்/
இனந் தெரியா பசலை என்னுள்ளே படர்ந்தாலும் /
தொட்டவுடன் பிம்பம் தான் மறைய /
கை பட்டவுடன் நான் தெளிய /
ஆடி பிம்பம் போதா
அருகில்வா மன்னவனே
/
கட்டழகு காத்திருக்கு காதல் நிலாப் பூத்திருக்கு /
வட்டக் கருவிழி வாட்டம் காணு முன்னே/
எட்ட நின்று ஏய்க்காமல் சற்று/
கட்டியணைக்க அருகில்தான் வந்துவிடு/
அருணா ரகுராமன்
கருத்துகள் இல்லை:
கருத்துரையிடுக